Lukas 24:13-35
Eendag het twee moedelose dissipels huistoe gestap. Jesus het hulle ontmoet, maar hulle het nie geweet dit is Hy nie. Hy het hulle uit die Skrifte bemoedig en Hom eers later aan hulle geopenbaar. Toe hulle besef dit is Hy, was hulle oorstelp van blydskap. "Het ons harte nie in ons gebrand toe Hy op die pad die Skrifte vir ons geopen het nie?" het hulle gesê. Voel jy soos hierdie dissipels: moedeloos en verward? Dan het jy nodig dat Jesus die Skrifte vir jou open. Vra Hom om dit vir jou te doen; Hy sal. 'n Boodskap deur Ivor Jefferies.