2 Korinthiërs 3:1-6
In John Bunyan se boek, The Pilgrim’s Progress, vlug Christen uit die Stad van Verwoesting om na die Hemelse Stad te reis. Die oomblik toe hy deur die smal poort kom, het hy die Uitlêer ("The Interpreter") se huis besoek. Daar het hy allerhande interessanthede gesien, onder andere ’n portret van iemand wat sy oë na die hemel opslaan en die beste boek vashou met die wet van waarheid op sy lippe. Die wêreld was agter sy rug en bo sy kop was daar ’n goue kroon. Hy kon kinders baar en hulle opvoed. Wie was die man in Bunyan se skildery? Dit was die ideale herder en leraar. In 2 Korinthiërs voeg Paulus detail by Bunyan se portret. Dit is nodig dat jy dit verstaan, omdat slegs so ’n herder God behaag en jou siel kan bevoordeel. Enige ander herder sal jou op ’n dwaalweg lei wat in die hel eindig. ’n Boodskap deur Ivor Jefferies.